Pas eliminimit të tij nga “Big Brother VIP” mbrëmjen e djeshme, Bernardi ka qenë i ftuar sot në programin “Big Brother Fan Club”, ku u pyet nga Heidi për komentet e tij mbi orientimin seksual dhe disa nga banorët e tjerë të shtëpisë.
Një pjesë e intervistës ishte e fokusuar te deklarata e tij e bërë më herët për disa nga banorët, të cilët ai i përmendi në lidhje me orientimin e mundshëm seksual.
Bernardit i është shtruar pyetja nëse mendonte se ndoshta kishte banorë të tjerë që duhej të kishin dalë përpara tij në lidhje me deklaratat që ai kishte bërë.
Bernardi u përgjigj duke përmendur emrat e Aldos dhe Klajdit, dhe shtoi se ai beson se ishte një nga lojtarët më të fortë të kësaj jave. Ai theksoi gjithashtu se gjatë gjithë kësaj kohe disa banorë të tjerë nuk kishin pasur aktivizim të mjaftueshëm.
Kur Heidi e pyeti nëse ai kishte qenë gjithmonë vetvetja, Bernardi shpjegoi se kishte pasur momente kur kishte vepruar ndryshe për shkak të intimidimeve të ndryshme që kishte përjetuar brenda shtëpisë.
Në vazhdim, Heidi e pyeti për guximin e tij në ndarjen e informacionit personal rreth orientimit seksual, dhe Bernardi theksoi se ai kishte bërë thjesht atë që disa banorë të tjerë, si Klajdi, Jozi dhe Laerti, nuk kishin guxim ta bënin. Ai e sqaronte se nuk po e quante askënd nga ata si homoseksual, por thjesht sugjeronte se ata mund të kenë dyshime në lidhje me orientimin e tyre seksual.
Ronaldo, një tjetër pjesëmarrës në program, e pyeti Bernardin për deklaratën që ai bëri mbrëmë për Laertin, ku ai e përjashtoi atë nga kjo kategori. Bernardi qëndroi i qartë dhe sqaroi se ai ishte krenar për orientimin e tij seksual dhe ndihej i denjë si banor i shtëpisë, duke shtuar se nuk kishte ndjerë asnjëherë bullizëm nga pjesa tjetër e grupit.
