Mediat braziliane e filluan ditën sot me një lajm të bujshëm që prekte edhe vendin tonë.
Bëhej fjalë për një rikthim të mundshëm të Sylvinhois në stolin e Corinthias, skuadër që e ka drejtuar më parë për rreth 44 ndeshjesh dhe fakti që është në fun të kontratës me Shqipërinë, pasi i skadon në muajin korrik, e bënte edhe më të mundshme këtë pistë.
Por është vetë klubi paulist që ka sheshuar gjithçka sa I përket zërave që qarkullonin, duke zyrtarizuar zgjedhjen e tij në krye të stolit. Bëhet fjale për Fernando Diniz, edhe ky me një të kaluar si futbollist i kësaj skuadre në fund të viteve 90.
Kështu, klubi i Corinthians me anë të një komunikate për shtyp zyrtarizoi trajnerin e ri që nënshkroi me skuadrën braziliane një kontratë deri në fund të vitit 2026. Kjo do të thotë se e ardhmja e teknikut të kombëtares shqiptare nuk do të jetë në Brazil siç u përmend në disa media në vendin amerikano jugor.
Kujtojmë se Sylvinho është ende nën kontratë me FSHF deri deri në muajin korrik, një kontratë që u rinovua në fund të vitit 2025 pas kualifikimit të kombëtares shqiptare në fazën e playoffit, me qëllimin dhe synimin për të qenë edhe ne në finalet e Botërorit, por ky objektiv nuk u arrit. Në kërë pikë ende nuk është marrë një vendim në lidhje me të ardhmen e trajnerit brazilian në pankinën kuqezi dhe të gjithë janë në pritje të asaj çfarë do të ndodhë, ndërkohë që në muajin qershor kombëtarja kuqezi do të zhvillojë dy ndeshje miqësore.
