Nëse po mendoni të blini një BMW elektrike, tani mund të jetë momenti i duhur.
Sipas një raporti, BMW ka vendosur të pezullojë përkohësisht prodhimin e automjeteve të saj elektrike deri në muajin maj – një pauzë që mund të zgjasë tre deri në katër javë.
Kjo nënkupton se gjatë kësaj periudhe, furnizimi me vetura të reja elektrike do të jetë i kufizuar, duke e bërë stokun aktual edhe më të vlefshëm për blerësit.
Pavarësisht normave të larta të interesit për financimin e veturave të reja, BMW raportohet se u ka konfirmuar shitësve se nuk do të ketë rritje çmimesh për modelet ekzistuese deri në qershor – një lajm i mirë për konsumatorët që janë në kërkim të një makine elektrike të luksit.
Edhe pse arsyeja zyrtare për ndërprerjen e përkohshme të prodhimit nuk është bërë publike, spekulimet lidhen me tarifat apo pengesa të tjera tregtare që po prekin industrinë e automjeteve.
Për ata që duan të blejnë një BMW elektrike, kjo periudhë para verës mund të jetë një dritare e vlefshme për të përfituar nga çmimet aktuale dhe disponueshmëria në treg.
