Sheqeri në gjak nuk ndikon vetëm te diabeti dhe metabolizmi, por edhe te shëndeti i trurit. Truri përbën vetëm rreth 2% të peshës së trupit, por përdor rreth 20% të energjisë bazë dhe burimi i tij kryesor i energjisë është glukoza. Prandaj, diabeti dhe rezistenca ndaj insulinës mund të kenë pasoja të rëndësishme në funksionimin e trurit.Disa studiues e quajnë sëmundjen e Alzheimerit “diabeti i tipit 3”, edhe pse ky nuk është një term zyrtar. Kjo thekson rëndësinë e insulinës për funksionimin normal të trurit.
Problemi nuk është vetëm sheqeri i lartë, por edhe luhatjet e shpeshta të nivelit të tij. Nivelet shumë të larta ose shumë të ulëta të glukozës mund të dëmtojnë kujtesën, përqendrimin dhe aftësinë për të marrë vendime. Me kalimin e kohës, sheqeri i lartë shkakton inflamacion dhe dëmtim të lidhjeve nervore, ndërsa episodet e përsëritura të sheqerit të ulët mund të ndikojnë në zonat e trurit përgjegjëse për kujtesën dhe vendimmarrjen. Për të mbajtur sheqerin në gjak më të qëndrueshëm dhe për të mbrojtur trurin, mjeku rekomandon tre zakone të thjeshta: të konsumohen vakte të balancuara me proteina, fibra dhe yndyrna të shëndetshme; të ecet për disa minuta pas ngrënies në vend që të uleni menjëherë; dhe të sigurohet gjumë i mjaftueshëm, pasi mungesa e gjumit rrit luhatjet e sheqerit në gjak.
