Një nga boksierët më të njohur në botë Ryan Garcia, ka njoftuar lindjen e djalit të tij Henry Leo, ndërsa disa orë më vonë ka njoftuar divorcin nga bashkëshortja, modelja e njohur Andrea Celina. 25-vjeçari njoftoi ndarjen me gruan e tij në llogarinë e tij në Instagram. Ai shkroi:
I jam mirënjohës Zotit, tashmë e dua shumë. Është aq i shpejtë që tani, saqë iu deshën vetëm tetë minuta për të mbërritur në këtë botë. Ai do të jetë dhjetë herë më i fortë, dhjetë herë më i mençur dhe dhjetë herë më i mirë se unë, por do të duhet të punojë 10 herë më shumë nga unë.
View this post on Instagram
Në një postim tjetër, Garcia theksoi:
Ndërsa hyj në një kapitull të ri në jetën time, me zemër të thyer më duhet të njoftoj se unë dhe Drea po divorcohemi.
Boksieri, i cili ka rekordin 24-1, tha se do të mbështesë financiarisht dy fëmijët e tyre për aq kohë sa të jetë e nevojshme. Garcia dikur ishte kampioni i përkohshëm botëror i peshave të lehta në WBC.
