Katie Price ka folur hapur për martesën e saj të rrufeshme me Lee Andrews, duke pranuar se në fillim edhe vetë e pa si diçka të pabesueshme dhe që shumë njerëz e konsideruan si një “shaka” ose një veprim për publicitet.
Ish-modelja britanike, e cila u martua me Andrews vetëm pak kohë pasi u njohën, tha se e kupton pse vendimi i saj shkaktoi kaq shumë reagime, por këmbëngul se për të gjithçka ishte e vërtetë.
Edhe unë e mendoja se dukej si një shaka. Ishte aq e shpejtë sa askush nuk mund ta besonte
-u shpreh ajo, duke shtuar se nuk është penduar për zgjedhjen që bëri.
Martesa e tyre ka qenë në qendër të mediave që prej ditës së parë, ndërsa shumë persona kanë vënë në dyshim vendimin e Katie për t’u martuar kaq shpejt me biznesmenin me bazë në Dubai.
Megjithatë, ylli televiziv thotë se nuk ndihet e detyruar t’u japë shpjegime të tjerëve.
Jam një grua e rritur. E di çfarë po bëj dhe nuk kam pse të justifikohem për zgjedhjet e mia
-është shprehur ajo më herët për kritikat që mori pas martesës.
Në intervistat e fundit, Price ka theksuar se marrëdhënia me Lee Andrews është ndryshe nga lidhjet e saj të mëparshme dhe se ndihet e lumtur pranë tij, edhe pse pranon se muajt e parë të martesës kanë qenë të mbushur me polemika.
Ajo zbuloi gjithashtu se familjarët e saj nuk e kanë pritur mirë martesën dhe se disa prej tyre ende refuzojnë ta takojnë bashkëshortin e saj.
Reagimi i tyre ishte: ‘Pse? Çfarë po mendon?’. U kam thënë edhe Lee-t se disa nga gjërat që kanë ndodhur nuk e kanë ndihmuar aspak situatën
-rrëfeu Price.
Pavarësisht kritikave dhe dyshimeve të publikut, Katie këmbëngul se historia e saj me Lee nuk është një marifet për vëmendje, por një zgjedhje personale, duke insistuar se koha do të tregojë nëse vendimi i saj ishte i duhuri.
