Prodhuesi i njohur për ndërtimin e makinave të çuditshme të frymëzuara nga aeroplanët luftarakë, ka prodhuar një SUV të bazuar në Lamborghini Urus. I quajtur Rezvani Knight, ai ka 800 kuaj fuqi dhe një motor V8 me dy turbo. “Qëllimi ishte të shtyheshin kufijtë e bashkimit të stilit agresiv të supermakinave dhe performancës me prakticitetin e përditshëm dhe aftësinë për terrene të vështira”-tha CEO Ferris Rezvani në një deklaratë.
Rezvani premton një shpejtësi 0-60 mph në 3.0 sekonda; gati gjysmë sekonde më shpejtë se Urusi me bateri. Veçoria më e madhe e modelit është paketa opsionale “Dark Knight”. Është një grup i plotë përmirësimesh që e kthen Knight nga një SUV me performancë normale në një “tank” me xham antiplumb. Si të gjithë Rezvans, edhe Knight do të jetë i shtrenjtë dhe shumë i kufizuar. Kompania premton të ndërtojë vetëm 100 shembuj, secili kushton 149,000 dollarë si fillim.
Një Lamborghini Revuelto, e vendosur për t’iu dorëzuar një klienti që priste me padurim në Bejrut, u përfshi në një aksident gjatë një testi përfundimtar dhe mbushje me karburant në ditën e dorëzimit. Makina sportive hibride me performancë të lartë u përplas kur një drejtues shërbimi thuhet se humbi kontrollin e mjetit, duke shkaktuar dëme të konsiderueshme. Blerësi tani do të duhet të presë deri në vitin 2028 për një zëvendësim.
Bentley ka qenë gjithmonë shumë përpara Lamborghini gjatë epokës në Grupin VW por nuk është më kështu. Grupi Volkswagen ka shpallur rezultatet e plota të shitjeve për vitin 2024, të cilat tregojnë një rënie prej 2.3 për qind në dërgesat në 9.03 milionë automjete. Megjithatë, vëmendje ka tërhequr një ndryshim interesant pozicionesh brenda grupit të markave që gjiganti gjerman i makinave e quan “Brand Group Progressive”. Ky grup përfshin Audi, Lamborghini dhe Bentley.
Tashmë dihej se Audi kishte një vit të keq, ndërsa Lamborghini shënoi shitje rekord. Tani janë publikuar rezultatet e markës Bentley dhe ato nuk janë inkurajuese. Marka luksoze britanike pati një rënie prej 21.5 për qind në vitin 2024, me vetëm 10600 makina të dorëzuara. Gjatë 12 muajve të fundit, Lamborghini ka dorëzuar 100 makina më shumë se konkurrenti i saj i brendshëm. Mund të mos tingëllojë domethënëse në shikim të parë, por Bentley ka qenë gjithmonë shumë përpara Lamborghini gjatë epokës së VW Group. Nuk është më kështu.
