Një qen i humbur në Irlandën e Veriut është gjetur pas 26 ditësh, pasi kishte ecur më shumë se 64 kilometra deri në shtëpinë e ish-pronarëve të tij. Lost Paws NI, një organizatë bamirëse e dedikuar për gjetjen e qenve dhe maceve të humbura, tha se qeni me emrin Cooper u dorëzua nga pronarët e tij të mëparshëm dhe më vonë u adoptua nga një familje e re.
Cooper iku nga makina në momentin që ai dhe pronari i tij i ri mbërritën në shtëpinë e tyre në Dungannon. Ngjarje të shumta u raportuan në ditët në vijim, por Cooper arriti t’u shmangej grupeve të kërkimit duke kaluar Qarkun Tyrone. Cooper u kap pasi mbërriti në pronën e ish-pronarit të tij në Tobermore, më shumë se 40 milje nga shtëpia e tij e re në Dungannon. Ai u ribashkua me pronarin e tij të ri, i cili tha se qeni humbi peshë gjatë udhëtimit të tij të gjatë, por po shërohet në shtëpi.
