Receta e thjeshtë që mund të ndihmojë kundër fryrjes dhe kapsllëkut Vaktet e bollshme festive shpesh çojnë në probleme me tretjen, si kapsllëku, që mund t’ua prishë ndjeshëm ditët e festave. Ndërsa shumë njerëz kthehen gradualisht te ushqimi i zakonshëm, një mjek propozon një mënyrë të thjeshtë dhe natyrale për të lehtësuar shqetësimet e stomakut. Pije për tretje më të mirë Dr. John Valentine, ka shpjeguar në detaje një pije që mund ta provoni për të përmirësuar tretjen dhe për të reduktuar fryrjen dhe kapsllëkun. Përgatitja, sipas tij, është shumë e thjeshtë:
Zieni një filxhan ujë dhe shtoni një majë kripe deti dhe pak sheqer. Lëreni të vlojë për pesë minuta, hiqeni nga zjarri dhe shtrydhni gjysmën e një limoni të freskët, shpjegon dr. Valentine. Lëngu duhet pirë “esëll dhe t’i lihet shkencës të bëjë të vetën”.
Si vepron kjo pije?
Mjeku shpjegon edhe prapavijën shkencore të përzierjes:
Nëse keni vështirësi për të shkuar në tualet, mund të rrisni sasinë e kripës. Kripa krijon një efekt osmotik, duke tërhequr ujin në zorrë për të zbutur përmbajtjen, thotë ai. Në të njëjtën kohë, acidi citrik i limonit vepron si një stimulues i fuqishëm natyral i tretjes. Kjo jo vetëm që pastron zorrët, por ndihmon edhe në luftimin e erës së keqe të gojës në rrënjë të problemit, duke e adresuar atë nga stomaku, shton ai.
Sipas tij, ndryshimi duhet të ndihet pas konsumimit të pijes për “disa ditë”. Dr. John Valentine Përfitime shtesë dhe paralajmërime Kjo pije, e njohur edhe si shpëlarje me ujë të kripur, “vepron si laksativ”, konfirmon portali shëndetësor MedicineNet.
Përzierja stimulon zbrazjen e zorrëve, kështu që mund të përjetoni jashtëqitje më të rregullta dhe lehtësim nga kapsllëku. Përveç lehtësimit të kapsllëkut, kjo përgatitje mund të ndihmojë edhe në zbutjen e ngërçeve muskulore, nxitjen e tretjes, lehtësimin e migrenës, madje edhe në reduktimin e aromave të pakëndshme të trupit, pasi kripa Himalaje përmban minerale të rëndësishme si natriumi, kaliumi, kalciumi dhe magnezi. Megjithatë, mjeku paralajmëron se solucionet e gatshme për shpëlarje që shiten në dyqane mund të jenë të rrezikshme:
Këto tretësira mund të përmbajnë deri në 4.700 mg kripë, gati dyfishin e sasisë ditore të rekomanduar të natriumit. Po ashtu, theksohet se konsumimi i shtuar i kripës nuk rekomandohet për personat me çrregullime të funksionit të veshkave.
