Modelja e njohur Emily Ratajkowski ka reaguar ashpër ndaj misionit të fundit të kompanisë “Blue Origin”, i cili për herë të parë përfshiu një ekuipazh tërësisht me gra. Në një video të postuar në TikTok, ajo e quajti udhëtimin 11-minutësh të neveritshëm” dhe një shenjë të qartë të fundit të botës”.
Ratajkowski vuri në pikëpyetje qëllimin dhe ndikimin e këtij misioni, duke kritikuar faktin që promovohen mesazhe për ruajtjen e Tokës, ndërsa përdoren raketa që dëmtojnë mjedisin.
Ajo u shpreh e zhgënjyer nga përdorimi i burimeve për një projekt të tillë, duke pyetur:
Sa burime u harxhuan për të dërguar këto gra në hapësirë? Dhe për çfarë qëllimi? Cili ishte mesazhi?
Reagimi i Ratajkowskit ka ndezur debate në rrjete sociale, me shumë ndjekës që ndajnë të njëjtin shqetësim për mjedisin dhe qëllimet e udhëtimeve hapësinore me natyrë simbolike.
