Justin Bieber ka shpërndarë një mesazh në Instagram, duke theksuar se nuk ka “asgjë për të provuar”, duke reaguar ndaj spekulimeve në rritje për sjelljen e tij dhe përdorimin e mundshëm të drogës. Këngëtari 31-vjeçar shkroi:
Nuk kemi asgjë për të provuar, vetëm dhuratën e jetës për të pranuar dhe marrë. Asgjë nuk na detyrohet dhe nuk i detyrohemi askujt
– duke shtuar një emoji me zemër të kuqe dhe duke vendosur këngën “Sir Duke” të Stevie Wonder si muzikë sfondi.
Ky mesazh erdhi pas spekulimeve të fansave që kanë ndjekur nga afër veprimet e fundit të këngëtarit, veçanërisht pas publikimit të një fotografie në Instagram, ku ai shihej duke pirë duhan.
Postimi shkaktoi shqetësime për mirëqenien e tij, veçanërisht pasi përfaqësuesi i Bieber kishte mohuar thashethemet një javë më parë, duke i cilësuar si “të dëmshme”.
Gjithashtu, një seri postimesh dhe sjellja e pazakontë e Bieber në disa evente, përfshirë një të fundit në Los Angeles, kanë shkaktuar shqetësime ndër fansa, të cilët kanë komentuar për sjelljen e tij “të çuditshme” gjatë bisedave dhe fotove me të ftuar të tjerë.
