Fëmijët në Holandë janë më të lumturit në botë, sipas një studimi të UNICEF-it. Në studimin më të fundit për mirëqenien e fëmijëve, ku u krahasuan mbi 40 vende me të ardhura të larta, Holanda u rendit në vendin e parë për mirëqenien e përgjithshme, me 15-vjeçarët që raportojnë disa nga nivelet më të larta të kënaqësisë nga jeta, në rang global. Por nuk bëhet fjalë vetëm për “lumturinë”.
Raporti mat mirëqenien mendore dhe kënaqësinë me jetën, shëndetin fizik, aftësitë akademike dhe sociale, sigurinë dhe mjediset mbështetëse. Ekspertët shpesh ia atribuojnë këtë sukses stilit të jetesës holandeze lidhjeve të forta familjare, balancës mes shkollës dhe jetës, lojës në natyrë dhe komunikimit të hapur.
Mënyra holandeze e prindërimit nuk përfshin ndonjë praktikë të jashtëzakonshme për t’u marrë me fëmijët, por duket se funksionon mjaft mirë. Edhe studiuesit kanë vërtetuar se fëmijët holandezë janë shumë përpara bashkëmoshatarëve të tyre ndërkombëtarë për sa i përket mirëqenies dhe lumturisë. Pra, nëse doni të dini saktësisht se çfarë bëjnë nënat holandeze ndryshe nga nënat e tjera në botë, thjesht vazhdoni të lexoni këtë artikull.
Sa fëmijë i sjellin lumturi një familjeje është një vendim që çdo prind duhet ta marrë vetë. Ajo që funksionon për një familje, nuk është domosdoshmërisht zgjedhja më e mirë për një tjetër. Disa familje e gjejnë lumturinë në shtëpi të mbushura me zëra fëmijësh, ndërsa të tjera ndihen më të përmbushura në një ambient më të qetë dhe më të vogël. Prej dekadash, ekzistojnë mendime të ndryshme rreth madhësisë ideale të familjes, por disa kërkime kanë sugjeruar se katër fëmijë mund të jenë numri që lidhet me nivelin më të lartë të lumturisë prindërore.
