Një fotografi me firmë të Mbretëreshës Elizabeth II dhe Princit Philip është gjetur mes suvenireve në dhomën e mbushur me thesarin e liderit të rrëzuar sirian Bashar al Assad. Sipas mediave të huaja, luftëtarët rebelë e zbuluan foton në të ashtuquajturin “Pallati i Popullit” i diktatorit në qendër të kryeqytetit sirian Damask. Fotografia është e nënshkruar me dorë dhe daton në vitin 2002 në të njëjtin vit që Assad dhe gruaja e tij vizituan familjen mbretërore në Pallatin Buckingham.
Vizita u zhvillua dy vjet pasi Assad mori detyrën si president i Sirisë, përpara se ai të tregohej i pabesë për shtypjen e tij brutale ndaj protestave pro-demokratike të Pranverës Arabe të vitit 2011 dhe luftës civile që pasoi. Kujtimet e tjera të gjetura në dhomën e mbushur me thesare përfshinin mburoja ari dhe argjendi, stolitë dhe veprat e artit, kutitë dhe një çmim FIFA për kampionatin botëror të të rinjve.
Rikujtojmë se një dëshmi e veçantë është zbuluar në dokumentarin e ri “Coronation Girls”, i cili tregon historinë e 50 vajzave që në vitin 1953, kur ishin vetëm 17 vjeçe, udhëtuan nga Kanadaja për të marrë pjesë në kurorëzimin e Mbretëreshës Elizabeth II në Britani. Regjisori Douglas Arrowsmith i sjell këto histori, duke përfshirë një moment interesant të Mbretit Charles, i cili kujton fëmijërinë e tij dhe lidhjen me nënën e tij, Mbretëreshën Elizabeth.
Në dokumentar, Mbreti Charles ndan një kujtim nga vitet e fëmijërisë, kur ai, vetëm katër vjeç, kujton se si e ndihmonte nënën të mbante dhe të përgatiste kurorën për kurorëzimin e saj në vitin 1953. Ai tregon se ishte i “nervozuar” nga peshë e madhe e kurorës, që arrinte deri në 2.3 kilogramë dhe si ai dhe motra e tij bënin banjë, ndërsa Mbretëresha ulej me ta për të mbajtur kurorën, duke u mësuar me peshën e saj.
