Robert Carmona, futbollisti 62-vjeçar nga Uruguaji, i njohur si më i vjetri në botë, ka mbetur pa kontratë me klubin e tij të fundit, Nuevo Casabo, dhe tani është në kërkim të mundësisë për të nënshkruar me klubin e tij të 50-të.
Ai u regjistrua në Librin e Rekordeve Guinness si futbollisti më i vjetër profesionist në aktivitet, një arritje që ai beson se është thuajse e pamundur të përsëritet.
Carmona ka një karrierë që ka nisur në vitin 1976 dhe, megjithëse është në fund të viteve të tij të lojës, ai nuk ka ndërmend të ndalojë. Ai u shpreh në një intervistë për mediat uruguaiane se sekreti i jetëgjatësisë së tij është stërvitja e rregullt.
Stërvitja është çelësi i suksesit. Kam stërvitur çdo ditë për 49 vjet, dy ose tri orë çdo ditë, gjashtë ditë në javë
– tha ai, duke shtuar se ndihet si Cristiano Ronaldo përsa i përket profesionalizmit.
Robert Carmona foi considerado pelo livro de recordes do Guiness o jogador mais velho da história do futebol
Sabe tudo aqui: https://t.co/exeh5HTreA pic.twitter.com/4zEpHewoDi
— Record (@Record_Portugal) January 17, 2025
Në lidhje me të ardhmen e tij, Carmona shpjegoi se nuk kërkon një rrogë të madhe, pasi ka burime të tjera financiare nga të drejtat sportive dhe pjesëmarrja në ngjarje të ndryshme.
Ai ka luajtur më shumë se 2000 ndeshje gjatë karrierës së tij dhe beson se mund të vazhdojë të luajë për disa vite të tjera.
Unë mund të luaj akoma 90 minuta, pasi kam luajtur në 95% të karrierës sime
Carmona gjithashtu e sqaroi se ndarja nga klubi i kategorisë së katërt, Nuevo Casabo, nuk kishte të bënte me performancën e tij, por me lëndimet që kanë ndodhur gjatë periudhës së fundit.
Ai tani po shqyrton mundësitë e reja dhe është optimist për të vazhduar karrierën e tij të pabesueshme.
