Cristiano Ronaldo po shfrytëzon ditët e pushimit në krah të të fejuarës së tij, Georgina Rodriguez, vetëm pak kohë pasi mbylli një kapitull historik në karrierën e tij, duke konfirmuar se Kupa e Botës 2026 ishte e fundit ku mori pjesë si futbollist.
Çifti ndau me ndjekësit një video në TikTok, ku shfaqen duke kaluar momente relaksi pranë detit, larg angazhimeve sportive. Në pamjet që u përhapën me shpejtësi në rrjetet sociale, Georgina shfaqet me bikini të zeza, ndërsa Ronaldo shihet duke notuar dhe duke shijuar pushimet në shoqërinë e partneres së tij.
Videoja mori mijëra reagime brenda pak orësh, me fansat që komentuan harmoninë, atmosferën e qetë dhe momentet romantike të çiftit.
Pak para sfidës së Portugalisë ndaj Spanjës në Kupën e Botës, Ronaldo kishte bërë të ditur se ky do të ishte Botërori i fundit i karrierës së tij.
Ky do të jetë Botërori im i fundit, por shpresoj që nesër të mos jetë ndeshja ime e fundit. Ka qenë përvoja më emocionale që kam jetuar ndonjëherë në një Kupë Bote
-ishte shprehur futbollisti portugez.
Ronaldo dhe Georgina Rodriguez janë në një lidhje prej tetë vitesh dhe u fejuan në verën e vitit të kaluar.
Së fundmi, ylli portugez zbuloi edhe detaje nga momenti i propozimit për martesë, duke treguar se i kërkoi dorën partneres në orët e para të mëngjesit, në një çast spontan dhe emocional, në prani të fëmijëve të tyre.
Pas emocioneve të Botërorit, çifti duket se ka zgjedhur të kalojë disa ditë larg vëmendjes së fushës së blertë, duke shijuar pushimet dhe kohën me njëri-tjetrin.
