Prokuroria e Fierit ka dërguar për gjykim subjektin “P V” sh.p.k. dhe administratorin e tij, shtetasin B. A., të akuzuar për veprën penale “Dëmtimi i habitateve në zonat e mbrojtura mjedisore”, parashikuar nga neni 202/b i Kodit Penal.
Sipas hetimeve, subjekti ka kryer veprimtari të paligjshme përgjatë lumit Vjosa, në një zonë të mbrojtur me status “Park Natyror”, duke marrë, nxjerrë, përpunuar dhe transportuar inerte. Këto veprime janë kryer në një nënzonë qendrore me shkallën më të lartë të mbrojtjes, ku nuk lejohet zhvillimi i asnjë aktiviteti ekonomik.
Nga hetimet rezulton se veprimtaria ka shkaktuar dëmtim të rëndë të habitatit natyror, duke ndikuar në biodiversitetin dhe strukturën e ekosistemit, si dhe duke sjellë përkeqësim të ndjeshëm të gjendjes së tokës përgjatë lumit Vjosa.
Sipas prokurorisë, shfrytëzimi është kryer me mjete dhe teknologji intensive, duke shkaktuar ndryshime rrënjësore dhe dëme të konsiderueshme në zonën e mbrojtur.
Dëmtuan zonën e mbrojtur mjedisore me status të veçantë ‘Park Natyror’ në Lumin e Vjosës, me kërkesë të Prokurorisë Fier dënohen subjekti P.V. shpk dhe administratori
Prokuroria pranë Gjykatës së Shkallës së Parë të Juridiksionit të Përgjithshëm Fier përfundoi hetimet dhe dërgon në gjyq subjektin “P V” sh.p.k., si dhe të administratorit të saj shtetasit B. A. nën akuzë për kryerjen e veprës penale “Dëmtimi i habitateve në zonat e mbrojtura mjedisore”, parashikuar nga neni 202/b i Kodit Penal.
Nga hetimet u provua kryerja e veprimtarisë të paligjshme, e cila konsistonte në marrjen, nxjerrjen, përpunimin dhe transportimin e inerteve përgjatë lumit Vjosë, veprime këto që kishin sjellë si pasojë dëmtimin e habitatit natyror të zonës së mbrojtur mjedisore me status të veçantë “Park Natyror”. Zona ku janë marrë inertet është nënzonë qëndrore, që gëzon shkallën më të lartë të mbrojtjes (zonë atrikte).në të cilën nuk lejohet zhvillimi i asnjë lloj veprimtarie ekonomike.
Prokuroria pranë Gjykatës së Shkallës së Parë të Juridiksionit të Përgjithshëm Fier, provoi se shoqëria “P V” sh.p.k., ka shkaktuar përkeqësim të rëndë të habitatit që ndodhet brenda zonës së mbrojtur mjedisore, duke sjellë si pasojë dëmtim të konsiderueshëm të saj, përmes shfrytëzimit të tokës me teknologji intensive, mjete dhe mënyra që shkaktojnë ndryshime rrënjësore në biodiversitet, në strukturën dhe funksionet e ekosistemeve, si dhe që dëmtojnë në mënyrë të pandreqshme sipërfaqen e tokës përgjatë lumit Vjosë.
Në përfundim të shqyrtimit gjyqësor, gjykata deklaroi fajtor personin juridik, shoqërinë “P V” sh.p.k., si dhe administratorin e saj, shtetasin B. A., për kryerjen e veprës penale “Dëmtimi i habitateve në zonat e mbrojtura mjedisore”, parashikuar nga neni 202/b i Kodit Penal.
Prokuroria Fier mbetet e angazhuar të hetimet me fokus të veçantë në luftën kundër veprave penale mjedisore, duke ndjekur me përparësi çdo rast që cenon mjedisin, biodiversitetin dhe zonat e mbrojtura natyrore, thuhet në njoftim.
