Justin Theroux, aktori i njohur 53-vjeçar, ka lidhur kurorë në mënyrë të fshehtë me aktoren Nicole Brydon Bloom, 30 vjeçe, gjatë një ceremonie intime në plazhin e Tulumit, Meksikë.
Çifti, i cili nisi lidhjen e tij në shkurt të vitit 2023, shkëmbeu betimet në një ceremoni private, me praninë e qenit të Theroux, Kuma. Pas ceremonisë, ata festuan në rërë, me Bloom të veshur me një fustan elegant të bardhë dhe Theroux në një smoking klasik bardh e zi.
Pasi u martuan, ata u zhytën në oqean, duke shijuar momentet e para si burrë e grua. Kjo është martesa e parë për Bloom, ndërsa Theroux ka qenë i martuar më parë me Jennifer Aniston nga viti 2015 deri në 2017.
Çifti i ri është parë për herë të parë publikisht në një event të Netflix në fillim të vitit 2023 dhe ka mbajtur një profil të ulët gjatë lidhjes së tyre.
Theroux, i cili ka preferuar të mbajë jetën e tij private larg syrit të publikut, duket se ka gjetur lumturinë me aktoren e re, e njohur për rolin e saj në “The Gilded Age”.
