Mund të jetë e vështirë të tregohesh optimiste për të gjetur dashurinë. Megjithatë, mos i humbi shpresat, pasi ekziston një teori që thotë se me patjetër gjysma jonë ekziston. Teoria e vargut të padukshëm është nocioni që gjysma juaj është i lidhur me ju përmes një vargu të padukshëm, metaforik. Teoria e fijeve të padukshme bazohet në besimin në spiritualitetin dhe fatin. Njerëzit që pajtohen me teorinë e fijeve të padukshme imagjinojnë se një ‘shpirt binjak’ është atje, që pret për ta dhe do ta takojnë në vendin e kohën e duhur.
Ekspertja Suzannah Weiss shpjegon idenë: “Duket sikur ekziston një fije që lidh një person me tjetrin në mënyrë që kudo që një person lëviz, tjetri udhëton me ta, edhe pa e ditur”. Ajo shton se “teoria e fijeve të padukshme (që nuk duhet ngatërruar me teorinë e fijeve në fizikë) është thjesht ideja se disa njerëz janë të lidhur në një mënyrë të paprekshme që e bën takimin e tyre (dhe ndoshta ritakimin pas një kohe të ndarë) të pashmangshëm.”
Në mitologjinë kineze, teoria e fijeve të padukshme njihet si filli i kuq i fatit. Ka romane të bazuara në të dhe disa besojnë se një fije e kuqe përfaqëson dashurinë e vërtetë, familjen dhe lidhjen njerëzore. Teoria nënkupton që pavarësisht nga veprimet që ndërmerrni, do të përfundoni me këdo që jeni të destinuar të keni në krahë.
Në një kontekst romantik, kjo mund të nënkuptojë se disa njerëz janë të detyruar të përfundojnë së bashku, pavarësisht se çfarë përpjekjesh bëjnë për t’i shpëtuar fatit të tyre. Ata mund të përjetojnë takime spontane ku ndeshen vazhdimisht me njëri-tjetrin. Ose mund të ndahen vetëm që jetët e tyre të kryqëzohen edhe një herë vite më vonë.
