Laura Gnjatovic është shpallur “Miss Universe” i Kroacisë. Laura, e cila është 191 cm e gjatë, do të përfaqësojë Kroacinë në konkursin botëror në Tajlandë. Ajo shpërtheu në lot pasi mori lajmin. Kurorën ia dhuroi fituesja e vitit të kaluar, Zrinka Coric. Me origjinë nga Zadari, Laura aktualisht jeton në Dubrovnik, ku po përfundon vitin e tretë të studimeve universitare për infermieri, punon në një poliklinikë dhe luan profesionalisht për Klubin e Volejbollit të Grave në Dubrovnik.
Është 23 vjeçe dhe flet anglisht, italisht dhe spanjisht. Të gjitha këto aktivitete e kanë mësuar se si ta shfrytëzojë kohën e lirë, kështu që ajo gjithmonë e lë mënjanë një pjesë të ditës së saj për aktivitetet që i pëlqen, që e plotësojnë, e qetësojnë dhe e bëjnë më të lumtur, si kalimi i kohës në natyrë, kalimi i kohës me kafshët, kërcimi, grimi dhe krijimi i përmbajtjeve të ndryshme.
Gjatë shkollimit të saj, ajo u vlerësua për pjesëmarrjen në gara të gjuhëve të huaja dhe çmimi i fundit që fitoi ishte një medalje ari për fitimin e Ligës së Parë Kroate të Volejbollit si lojtare për Klubin e Volejbollit për Femra të Dubrovnikut. Shëndeti është përparësia e saj dhe ajo dëshiron t’i ndihmojë të tjerët të kuptojnë se sa e rëndësishme është të investojnë në shëndetin e tyre fizik dhe mendor. Si “Miss Universe Croatia”, dëshiron të jetë një zë për ata që nuk kanë mundësi të dëgjohen dhe të përdorin pozicionin e saj për të bërë ndryshime në shoqëri.
Rikujtojmë se Bella Bautista, 22 vjeçe dhe fituese e titullit “Miss Buckhead 2025”, ka vendosur të tërhiqet nga gara për “Miss Georgia USA”, duke hequr dorë nga mundësia për të qenë konkurrentja e parë transgjinore në këtë konkurs bukurie. Studente e ekonomisë dhe historisë, Bautista e shpalli vendimin e saj më 18 mars në Instagram, ku njoftoi se po kthehej kurorën e saj.
