Tapeti i kuq i Festivalit të Filmit në Kanë nuk zhgënjen kurrë kur vjen puna tek surprizat, por mbrëmja e së shtunës solli një moment që tejkaloi çdo pritshmëri: një burrë i veshur nga koka te këmbët si kondor me pupla të zeza, sqep të gjatë dhe krahë të hapur marshoi në tapet përpara premierës së filmit “Die, My Love”.
Pjesëmarrësi misterioz, që më pas u largua nga ceremonia duke lëshuar ulërima të fuqishme si shpend grabitqar, nuk ishte thjesht në kërkim të vëmendjes. Kostumi i tij ishte një homazh për dokumentarin “I Love Peru”, i cili po shfaqet në seksionin “Klasikët e Kanës”. Kondori, një simbol i fuqishëm në kulturën andine, përfaqëson lidhjen midis qiellit dhe tokës — një figurë mitike që tani pati momentin e vet edhe në Riviera-n Franceze.
Edhe pse rregullat e festivalit janë ashpërsuar kohët e fundit, me ndalime ndaj nudizmit dhe veshjeve “tepër të zhurmshme”, nuk ekziston ende një ndalim zyrtar për paraqitjet me tematikë zogjsh çka i hapi rrugën spektaklit të “njeriut-kondor”.
Për shumë të pranishëm, kjo paraqitje ishte më tepër performancë artistike sesa maskaradë një kujtesë që Kanë mbetet një skenë ku arti dhe absurdi mund të takohen lirshëm nën dritat e kamerave.
