Kishin konflikte pronësie, 93 vjeçari plagos me armë zjarri një shtetas 61 vjeç në Gjirokastër. Ngjarja ndodhi sot në mëngjes, në fshatin Mashkullorë dhe raportohet se i lënduari u dërgua në spital ku për fat të mirë është jashtë rrezikut për jetën.
I moshuari u shoqërua nga policia dhe iu gjet e sekuestrua kallashnikovi me të cilin qëlloi. Nga grupi hetimor vijon puna për zbardhjen e rrethanave të ngjarjes.
Njoftimi i policisë:
Gjirokastër/Informacion paraprak
Rreth orës 09:40, në fshatin Mashkullorë, dyshohet se për shkak të konflikteve të vazhdueshme për motive pronësie, shtetasi A.Ç., 93 vjeç, dyshohet se ka plagosur me armë zjarri në këmbë shtetasin P.Ç., 61 vjeç, i cili ndodhet në spital, jashtë rrezikut për jetën.
Shtetasi A.Ç., është shoqëruar në ambientet e Drejtorisë Vendore të Policisë Gjirokastër, për veprime të mëtejshme.
Gjithashtu është gjetur dhe sekuestruar arma e zjarrit kallashnikov. Grupi hetimor ndodhet në vendngjarje dhe po punon për zbardhjen e plotë të rrethanave të kësaj ngjarjeje.
