Jo të gjithë njerëzit janë krijuar për të mbajtur sekrete, e sidomos jo Binjakët dhe Shigjetari. Binjakët janë të njohur për komunikimin e tyre të shpejtë, natyrën e tyre kurioze dhe dëshirën për të ndarë mendimet me të tjerët. Ata nuk e bëjnë këtë me qëllim të keq; thjesht, kur diçka interesante u thuhet, mendja e tyre e sheh si një pjesë bisede, jo si sekrete që duhet të ruhen. Ata flasin pa shumë filtër, sidomos kur janë të emocionuar.
Nga ana tjetër, Shigjetari është i drejtë, i sinqertë dhe shumë i hapur. Problemi qëndron te fakti që Shigjetari beson se e vërteta duhet thënë – gjithmonë. Nëse dikush i thotë një sekret që bie ndesh me parimet e tij, ai ka shumë gjasa ta zbulojë, jo sepse do të tradhtojë besimin, por sepse mendon se nuk ka arsye të mbahet e fshehtë. Shigjetari nuk e koncepton sekretin si barrë, por si diçka që duhet ndarë nëse ka dobi.
Pra, nëse ke një sekret tepër të rëndësishëm, më mirë mbaje për vete ose t’ia thuash një Demit, Bricjapit ose Akrepit – se Binjaku dhe Shigjetari… e kanë shumë, shumë të vështirë!
