Në një intervistë të fundit për Canal+, Kylian Mbappé ka zbuluar se ishte i gatshëm të heqë dorë nga transferimi i tij i dëshiruar në Real Madrid për të mbështetur vëllain e tij më të vogël, Ethan.
Dy vëllezërit kishin luajtur së bashku te PSG, por këtë verë ata morën vendime të ndryshme për karrierat e tyre.
Mbappé ka rrëfyer se, për Ethan, Real Madrid ishte ekipi që ai kishte ëndërruar të luante. Ai theksoi se i kishte thënë vëllait:
Nëse ti vendos të qëndrosh, do ta zgjas edhe unë. Do të qëndroja pak më shumë. Do të heqja dorë nga ëndrra ime për Madridin dhe do të qëndroja te PSG.
Ai shtoi se Ethan ishte vëllai i tij dhe do të bëntë gjithçka për të mbështetur vendimet e tij.
Megjithatë, në fund, të dy vëllezërit morën rrugë të ndryshme. Kylian Mbappé u transferua në Real Madrid, ndërsa Ethan, i cili nuk ishte në gjendje të bashkohej me ekipin spanjoll, kaloi te Lille.
