E ftuar në emisionin e sotëm të “Big Brother Radio” me Elona Duro ka qenë Efi Dhedhes, një nga ish-banoret më të njohura të “Big Brother VIP”. Mbrëmjen e djeshme ajo ka shpërndarë një mesazh të fortë për ndjekësit e saj në Instagram, duke komentuar mbi deklaratat kontroverse të Jozit, banor i edicionit të katërt të këtij reality show.
Ajo ka publikuar një foto të Jozit në Instastory, ndërsa ka shtuar një mesazh të qartë, duke i bërë thirrje ndjekësve të mos i pranojnë individët me sjellje të tillë:
Meshkuj të tillë mbajini larg vetes dhe mbi të gjitha s’ka as falje, as tolerim.
Deklaratat që Jozi bëri ndaj Rozanës në një bisedë me Aldon kanë shkaktuar shumë reagime. Ai e kritikoi ashpër këngëtaren, duke e akuzuar për “stonaturë” dhe duke e quajtur një “b*ndër”, ndërsa e etiketoi si një person të pasuksesshëm, edhe pse e njeh prej vitesh. Jozi i ka bërë komentet e tij edhe për pamjen e Rozanës, duke përmendur ndërhyrjet estetike, si ato për hundën, buzët dhe vetullat. Ai gjithashtu e ka ofenduar duke thënë se nuk mund të krahasohej me të si këngëtare live, dhe e ka quajtur “nule” në industrinë e muzikës. Këto fjalë kanë sjellë shumë reagime negative në media dhe nga fansat, të cilët janë solidarizuar me Rozanën, ndërsa Efi ka shprehur hapur mbështetje për të, duke denoncuar çdo formë të shfaqjeve të tilla të sjelljes së pasjellshme. Në lidhje me këtë deklaratë, Efi shtoi:
Arsyeja që më shumë mund të kem ndonjë reagim është sepse ma vret syrin, veshin, kokën. Nuk e di. Më tepër ishte për Jozin në fakt.
Çfarë ka diçka që nuk shkon në këtë ngjarje që Efi reagoi në rrjetet e saj sociale?
Ajo gjëja që nuk shkon në radhë të parë është se unë shoh çdo njeri aty që përfaqëson shumicën e njerëzve. Atë gjë shoh unë dhe nuk është se i komentoj si lojtarë. Se është thënë kjo fjala lojtar. Lojtar për mua është thjesht të jesh i aftë dhe të menaxhosh situatat. Dhe në rregull janë në kushte të jashtëzakonshme, por kjo nuk do të thotë që po del nga vetja dhe po bën ndonjë gjë ndryshe. Ti ai je. E kam thënë shumë herë dhe do ta them sa herë të më ftosh. Më bëhet shumë qejfi që edhe Ledioni e theksoi në Prime e kaluar.
Po në lidhje me Jozin?
Kur shoh për shembull Jozin shoh një mashkull që fatkeqsisht më vjen turp të përfaqësojë meshkujt shqiptar. Kjo është idea që unë flas dhe do doja që çdo njeri kur kemi të bëjmë me të tilla raste të reagojmë dhe të mos tolerojmë këto sjellje. Përsëri nuk e kuptonte atë që po i thohej. Ky është problemi më i madh. Momenti kur ti nuk ndjen as turp, as nuk të zien trupi nga turpi, por vetëm qeshi dhe ajo buzëqeshja e tij thjesht më bezdisi shumë.
