Moderatori dhe ish-finalisti i Big Brother VIP 3, Meriton Mjekiqi, ka reaguar pas lajmeve që qarkulluan në disa portale, ku pretendoheshin arrestime të tij dhe të vëllait pas një sherri të vogël.
I ftuar në emisionin “Goca dhe Gra”, Mjekiqi hodhi poshtë këto raportime, duke sqaruar se realiteti është krejtësisht ndryshe.
Dallimi i të vërtetës dhe asaj që lexohet është shumë i madh. As jam arrestuar, as kam qenë në burg dhe as jam në arrati. Është një keqkuptim
Mjekiqi theksoi se portalet shpesh abuzojnë me lajmet për personazhet e showbizit dhe se disa nga raportimet e mëparshme për të ishin të pasakta. Ai shtoi se privatësia e familjes është shumë e rëndësishme dhe nuk dëshiron të shqetësojë prindërit e tij.
Kur preken prindërit, aty vendos limitin e privatësisë. Këto zhurma bëjnë mirë për marketing, por nuk duhet të ekzagjerohet
-përfundoi ai.
