Yjet e Inter Miamit, Lionel Messi dhe Jordi Alba, janë pezulluar me nga një ndeshje nga Major League Soccer (MLS), për shkak të mungesës së tyre të paautorizuar në All-Star Game. Si pasojë, ata nuk do të jenë të disponueshëm për ndeshjen e 26 korrikut ndaj FC Cincinnati.
MLS njoftoi se mungesa pa miratim në All-Star Game e bën automatikisht një lojtar të papërshtatshëm për ndeshjen pasuese të kampionatit. Messi dhe Alba pritej të përfaqësonin MLS-në përballë përzgjedhjes së Liga MX në Austin, por u tërhoqën pak orë para takimit.
Trajneri Javier Mascherano sqaroi se të dy lojtarët kishin munguar gjatë gjithë javës në stërvitje për shkak të lodhjes së akumuluar. Ai kritikoi kalendarin e ngarkuar të MLS, duke i bërë thirrje ligës që të mos planifikojë ndeshje kampionati gjatë javës së eventeve si All-Star Game.
Është e palogjikshme të luhet një ndeshje All-Star në mes të një jave të tillë të ngarkuar. Është çmenduri
-u shpreh Mascherano.
