Microsoft ka konfirmuar shkurtimin e deri në 9,000 vendeve të punës, ose 4% të fuqisë së saj punëtore globale, në raundin e fundit të shkurtimeve për vitin 2025.
Kompania nuk ka specifikuar divizionet e prekura, por raportet sugjerojnë se njësia e lojërave Xbox është mes tyre, përfshirë mbylljen e studios The Initiative dhe anulimin e lojërave “Perfect Dark” dhe “Everwild”.
Shkurtimet vijnë ndërsa Microsoft po riorienton investimet drejt inteligjencës artificiale, përfshirë 80 miliardë dollarë për ndërtimin e qendrave të të dhënave. Kompania ka punësuar edhe pionierin e IA-së, Mustafa Suleyman, për të udhëhequr këtë sektor.
Megjithatë, përpjekjet për të promovuar asistentin e saj “Copilot” kanë hasur në sfida, pasi përdoruesit preferojnë alternativa si ChatGPT.
Shumica e vendeve të eliminuara ndodhen në Redmond dhe Bellevue, ku ndodhen zyrat qendrore të Microsoft.
