Moti i keq, me reshje shiu në Lezhë ka krijuar probleme me furnizimin me energji elektrike pasi mungon në Zadrimë, si edhe në fshatra të njësive administrative Kolsh e Zejmen. Grupet e punës të OSHEE-së në terren, po punojnë për riparimin e defekteve.
Pak reshje intensive shiu dhe qyteti i Durrësit u zgjua nën pushtetin e ujit. Përmbytjet janë bërë të zakonshme e prej vitesh shoqërojnë qytetin bregdetar. Më problematike, situata u paraqit te kryqëzimi pranë stadiumit “Niko Dovana”, në rrethrrotullimin te Stacioni i Trenit dhe në Shkozet.
Pamjet janë regjistruar në orët e para të mëngjesit të së martës, ndërsa me ndalimin e reshjeve situata është normalizuar.
Për ditën e sotme, vendi ynë ndikohet nga kushte atmosferike të paqëndrueshme. Moti vijon me vranësira mesatare deri të dendura, të alternuara herë pas here me kthjellime.
Sipas Shërbimit Meteorologjik Ushtarak, vranësirat shoqërohen me reshje shiu me intensitet të ulët në pjesën më të madhe të territorit. Nga orët e mesditës, reshjet humbasin gradualisht terren, duke u izoluar vetëm në relievet malore të jugut me intensitet të ulët, për t’u ndërprerë më pas në të gjithë vendin.
Era fryn nga verilindja në veriperëndim, me shpejtësi mesatare deri në 8 m/sek, ndërsa përgjatë vijës bregdetare, veçanërisht në jugperëndim dhe në zonat luginore, arrin shpejtësi deri në 20 m/sek, duke shkaktuar dallgëzim në det me forcë 2 deri në 4 ballë.
Temperaturat pritet të variojnë si më poshtë:
Shkodër
14/20
Re shi diell
Kukës
10/18
Re shi diell
Lezhë
13/21
Re shi diell
Dibër
10/17
Re shi diell
Durrës
13/21
Re shi diell
Tiranë
15/21
Re shi diell
Elbasan
13/20
Re shi diell
Berat
12/21
Re shi diell
Vlorë
14/20
Re shi diell
Korçë
7/16
Re shi diell
Gjirokastër
10/18
Re shi diell
Sarandë
12/20
Re shi diell
