Shërbimi Meteorologjik Ushtarak njofton se sot vendi ynë ndikohet nga kushte atmosferike të qëndrueshme.
Moti parashikohet i kthjellët në pjesën më të madhe të ditës, ndërsa në male ka vranësira mesatare e lokalisht të dendura kalimtare, në mesditë dhe pasdite.
Nga mesdita e deri pasdite, përgjatë relieveve malore në lindje bien reshje shiu lokale dhe afatshkurtra, me intensitet të ulët. Në periudha afatshkurtra nuk mungojnë shtrëngata të izoluara.
Era fryn e lehtë e me drejtim kryesor nga kuadrati perëndimit me shpejtësi mesatare 7 m/s, shoqëruar me valëzim në dete të forcës 1-2 ballë.
Temperaturat variojnë 17-36 gradë Celsius.
