Miriam Visintin, një grua 57-vjeçare nga Treviso, Itali, ndërroi jetë së fundmi pasi kaloi 31 vite në koma. Historia e saj tragjike filloi në prag të Krishtlindjeve të vitit 1991, kur humbi ndjenjat pasi pësoi një aksident rrugor. Që nga ajo ditë, Miriami nuk u zgjua më. Miriami humbi ndjenjat rrugës për në punë, u përplas me një shtyllë dhe mori një goditje në kokë që i shkaktoi dëmtime të rënda, që e futën në koma.
Bashkëshorti i saj, Angelo Farina, i qëndroi pranë gjatë gjithë këtyre viteve.
Jam i lumtur për të, më në fund ajo ka shkuar në parajsë. Mendoj se ka vuajtur shumë gjatë këtyre viteve. Kishim vetëm një vit e gjysmë të martuar kur ndodhi tragjedia. Ishim të rinj dhe kishim shumë plane, i pëlqenim shumë fëmijët. Fati ishte mizor me të, tepër mizor. Nuk e meritonte. Vazhdoj ta them dhe do ta them edhe në të ardhmen.
Gruaja ndërroi jetë për shkaqe natyrale në spitalin San Bassiano, ku ishte shtruar dy muaj më parë dhe gjatë kësaj kohe pati dy arreste kardiake. Angelo shtoi se:
Dua të falënderoj veçanërisht motrat e Miriamit, Rosanna dhe Carmen, kunetërit e tyre dhe nënën e saj María, të cilat kanë bërë kaq shumë gjatë viteve.
