Një nga këngëtaret e “Remember Monday” që përfaqësoi Mbretërinë e Bashkuar në Eurovision tha se humbi unazën e martesës në një video të postuar pas performancës së tyre në Bazel. “Kam humbur unazën time të martesës dhe unazën time të fejesës”-tha Holly-Anne Hull në pamjet e postuara në Instagram. Në klip, këngëtarja dhe dy shokët e saj të grupit janë ulur në një avion, duke u larguar nga Zvicra.
Hull nuk dha detaje të mëtejshme, siç është vendi ku mund ta ketë humbur unazën ose kur ndodhi. Trio e muzikës country-pop u rendit e 19-ta nga 26 vendet në Festivalin e Këngës në Eurovision të këtij viti me këngën e tyre “What The Hell Just Happened”. Ndërkaq, Hull u martua në Surrey në qershor 2023.
Në videon e postuar në Instagram, grupi parodizoi stilin lirik të këngës së tyre e cila tregon historinë e mëngjesit pas një nate të madhe jashtë duke thënë se ende mbajnë “xhelin e flokëve të natës së kaluar” dhe se u dhembin gjunjët, përpara se Hull të bënte shaka: “Do të pësoj një krizë nervore sepse kam humbur unazën e martesës”.
Ndërkaq, triumfi në Festivalin Evropian të Këngës, Eurovision, nuk është vetëm një sukses muzikor apo një moment krenarie kombëtare. Ai përfaqëson një derë të hapur drejt përfitimeve të shumta ekonomike, kulturore dhe ndërkombëtare për vendin fitues. Ky është privilegji më i madh që i jepet vendit fitues. Ai fiton automatikisht të drejtën për të mikpritur edicionin e ardhshëm të festivalit, duke tërhequr vëmendjen e miliona shikuesve dhe mijëra vizitorëve nga e gjithë bota. Ky organizim përkthehet në promovim të gjerë dhe përfitime ekonomike të konsiderueshme.
