Kur bëhet fjalë për larjen e rrobave, zgjedhja mes detergjentit në pluhur dhe atij të lëngshëm nuk varet nga reklamat, por nga mënyra se si i lani dhe çfarë lani.
Ekspertët e mirëmbajtjes së shtëpisë japin këshilla të qarta se kur është më mirë të përdoret secili variant.
Becky Rapinchak, themeluese e markës Clean Mama, shpjegon se detergjentet në pluhur janë idealë për rroba të forta dhe të ndotura thellë, si peceta kuzhine, peshqirë sporti apo rroba pune.
Pluhuri është më i koncentruar, vepron më fuqishëm ndaj yndyrës dhe njollave të vështira, dhe ndihmon që makina e larjes të mbetet më e pastër me kalimin e kohës. Përveç kësaj, paketimi i tij në kuti kartoni konsiderohet më ekologjik.
Nga ana tjetër, detergjentët e lëngshëm janë më të përshtatshëm për rroba delikate dhe larje me ujë të ftohtë.
Kim Romejn nga Procter & Gamble thekson se lëngu shpërbëhet shpejt në temperatura të ulëta dhe është ideal për trajtimin direkt të njollave, duke e bërë atë zgjedhjen më të mirë për këmisha, çarçafë dhe pëlhura të buta.
Ekspertët theksojnë se shumë familje përdorin të dyja variantet: pluhurin për ciklet “të rënda” dhe detergjentin e lëngshëm për rroba delikate dhe pastrim preciz.
Sasia e duhur dhe përdorimi i programeve të sakta janë çelësi për rezultate të shkëlqyera, pavarësisht llojit të detergjentit.
