“The Ring” është një unazë elektronike, që pritet të dalë në fund të vitit 2025 ose në fillim të 2026-ës, e cila monitoron në kohë reale emocionet dhe sjelljen e partnerit që e mban. Pajisja është projektuar nga aplikacioni i takimeve Raw and Queens Tech dhe do të jetë në gjendje të masë disa parametra fizikë dhe emocionalë të partnerit, si rrahjet e zemrës, tonin e zërit dhe eksitimin seksual. Në bazë të këtyre matjeve, ajo do të dërgojë sinjale ndriçuese me ngjyra të ndryshme.
Këto ngjyra do të tregojnë gjendjen fizike dhe emocionale të personit që e mban unazën për shembull, nëse ngjyra tregon stres, partneri mund të ndërhyjë (teorikisht) me një gjest ngushëllues. Ideja pas kësaj pajisjeje është të lehtësojë komunikimin. Unaza mat edhe nivelin e eksitimit seksual. Nëse ndizet me ngjyrë magenta, do të thotë se partneri është i eksituar.
Ndërkaq, në risi novatore nga Universiteti Cornell është vendosur të transformojë komunikimin për komunitetin e shurdhër dhe me vështirësi në dëgjim. SpellRing, një unazë e printuar me 3D me AI është e aftë të përkthejë gjuhën e shenjave (ASL) në tekst të lexueshëm në kohë reale, duke synuar të thyejë barrierat që shpesh e bëjnë të vështirë komunikimin për ata që përdorin gjuhën e shenjave.
Zhvilluar nga Hyunchul Lim, një student i doktoraturës në shkencat e informacionit në Universitetin Cornell, SpellRing është një unazë e veshur, e krijuar për të njohur drejtshkrimin e gishtave në ASL. Drejtshkrimi me gishta përdoret në ASL për të shqiptuar fjalë që nuk kanë një ekuivalent të drejtpërdrejtë të shenjës, siç janë emrat e duhur ose termat teknikë.
