Kryeministri Edi Rama ka vlerësuar lart rëndësinë e Samitit të Komunitetit Politik Europian, që u zhvillua për herë të parë në Tiranë, duke e cilësuar atë si një shenjë të qartë për përkushtimin e Shqipërisë dhe rajonit ndaj kontinentit europian dhe vlerave të tij themelore.
Në një deklaratë për mediat, Rama tha se samiti tregoi vullnetin për të mbajtur të bashkuar vlerat dhe parimet që udhëheqin shoqëritë europiane.
“Europa duhet të bëjë më shumë kur vjen fjala për mbrojtjen e saj dhe kur vjen fjala për të investuar në kapacitetet e saj të vetëmbrojtës. Nga ana tjetër, besoj se kjo është njëra anë e medaljes. Ana tjetër lidhet me emrin e vetë Europës. Europa ka qenë gjithmonë përfaqësuese e disa gjërave që të tjerët i kanë pasur zili, kapaciteti për paqen e pamundur. BE është produkt i një ëndrre fëmijëve.
Armiq për vdekje, u bënë aleatë strategjik, ndaj besoj se na dihet t’i bëjmë të gjitha ato që është folur për mbrojtjen por na duhet të ndërtojmë një të ardhme dhe kjo nënkupton që duhet të punojmë në të dyja drejtimet.
Ka dhe një pikëpyetje, pse duhet pritur Donald Trump dhe të merrte në konsideratë paqen? Sepse ndoshta ishim të përqendruar ndaj një kauze të duhur, por humbëm terren kur vjen fjala për diplomaci. Jemi shumë socialist dhe nuk jemi socialistët më të mirë se fitojmë zgjedhjet, por ky është këndvështrimi”-u shpreh Rama.
