Rihanna ka tërhequr sërish vëmendjen me një paraqitje plot stil në rrugët e Los Angelesit, ndërsa është në pritje të fëmijës së saj të tretë me reperin A\$AP Rocky.
Këngëtarja 37-vjeçare u pa e veshur me një fustan rozë-portokalli me jakë të lartë nga marka luksoze Issey Miyake, me vlerë rreth 2845 dollarë (2450 euro).
Pamjen e saj e plotësonin atlete jeshile prej 275 dollarësh, bizhuteri të arta, vathë të mëdhenj të bardhë dhe një grim i lehtë që theksonte bukurinë natyrale.
Pamja e saj u komentua gjerësisht në rrjetet sociale, ku mendimet ishin të ndara. Disa ndjekës e përshkruan si “një mbretëreshë që mund të mbajë çdo veshje”, ndërsa të tjerë bënë krahasime humoristike, duke e quajtur “muffin gjigant” ose “sheqer pambuku”.
Rihanna dhe A\$AP Rocky janë tashmë prindër të dy djemve, dhe artistja ka treguar se jeta me “dy princat e saj” është plot energji dhe e lodhshme.
Së fundmi, gjatë premierës së filmit “Strumfët” në Bruksel, Rocky la të kuptohej se foshnja e tretë mund të jetë vajzë, duke iu përgjigjur pa hezitim një pyetjeje të gazetarit Kevin Frazier: “Po, njeri, po,” – para se të tentonte ta zbusë deklaratën me një lodër të Strumfetes.
Çifti, që u njoh për herë të parë në vitin 2011, feston pesë vite së bashku dhe duket më i lumtur se kurrë ndërsa presin anëtarin e ri të familjes.
