Sam Smith ka tërhequr sërish vëmendjen e fansave dhe kalimtarëve, teksa u fotografua të premten duke shijuar një shëtitje të qetë në rrugët e New Yorkut.
Këngëtari 32-vjeçar u dallua për stilin e tij të veçantë dhe të lirshëm, që prej kohësh është bërë pjesë e identitetit të tij.
Për këtë dalje verore, Sam kishte zgjedhur një kombinim të pazakontë: pantallona të shkurtra sportive, një bluzë të zezë të thjeshtë dhe mokasini të kombinuara me çorape të zeza.
Pamjen e kompletonte një kapelë e zezë e vendosur mbrapsht dhe një palë syze elegante të errëta. Me mustaqet e kuruara me kujdes dhe kufjet në vesh, Sam dukej i përqendruar tek muzika që dëgjonte gjatë shëtitjes së vetme.
Pamja e tij reflektonte lirinë dhe fluiditetin që ai shpesh shpreh edhe përmes stilit të veshjes. Këtë vit, Sam u pa gjithashtu pranë partnerit të tij, stilistit të njohur Christian Cowan, duke e mbështetur gjatë prezantimit të koleksionit të ri në Javën e Modës në New York. Dyshja janë në një lidhje që nga viti 2022, pasi u njohën gjatë xhirimeve të videoklipit “I’m Not Here to Make Friends”.
Sam, që prej vitit 2019 është shprehur hapur si person jo-binar dhe përdor përemrat “they/them”, mbetet një figurë e rëndësishme jo vetëm në skenën muzikore me hitet e tij si “Too Good at Goodbyes” dhe “Writing’s on the Wall”, por edhe në përfaqësimin e komunitetit LGBTQ+ në mbarë botën.
