Modelja e njohur braziliane dhe një nga tifozet më të zjarrta e të deklaruara të Lionel Messit, Suzy Cortez, ka ndezur sërish rrjetet sociale me një premtim tejet provokues. Bukuroshja, e cila mban edhe titullin e ish-fitueses së “Miss BumBum”, ka deklaruar se është gati të bëjë një çmenduri të vërtetë nëse ylli argjentinas arrin të shpallet kampion botëror.
Ajo që ka tërhequr vëmendjen maksimale të fansave në web është detaji specifik i premtimit të saj. Cortez ka premtuar publikisht se do të realizojë një tatuazh të ri për nder të futbollistit të famshëm, por këtë herë në një nga zonat më intime dhe provokuese të trupit të saj. Ky nuk është guximi i parë i modeles për të treguar adhurimin e saj të pakufishëm ndaj kapitenit argjentinas, pasi ajo ka realizuar shpesh sete fotografike “të nxehta” dhe madje ka tashmë tatuazhe të tjera kushtuar idhullit të saj. Megjithatë, ky premtim i fundit ka thyer rrjetin, duke shtuar akoma më shumë kureshtje nëse ky Kampionat Botëror do të mbyllet me triumfin e Messit dhe rrjedhimisht, me mbajtjen e fjalës nga modelja bombastike.
Me gërma të arta, sërish Lionel Messi shënoi emrin e tij në historinë e Botërorëve. Me 5 gola në këtë edicion, Numri 10 i Argjentinës është i pari në listën e goleadorëve të kompeticionit duke marrë edhe vlerësimin e gazetarëve. E përditshmja argjentinase “Clarin” e krahason me një dirigjent orkestre:
Një simfoni e re nga Lionel Messi, me një orkestër që e shoqëron atë në mënyrë të përsosur. Messi po bëhet gjithnjë e më shumë një legjendë. E pabesueshme! Një tjetër kapitull në librat e historisë për Messin, i cili në moshën gati 39 vjeçare luan dhe vrapon si një fëmijë.
