Familja mbretërore e Lihtenshtajnit është në zi për vdekjen e papritur të Princit Konstantin, i cili u nda nga jeta në moshën 51-vjeçare. Familja njoftoi vdekjen e tij pa specifikuar shkakun. Princi Konstantin i Lihtenshtajnit ishte djali më i vogël i Mbretit Hans-Adam II dhe i shtati në radhën e fronit. Ai la pas gruan e tij Princesha Mari dhe tre fëmijët e tyre, Princi Moritz 20-vjeç, Princesha Georgina 18-vjeçe dhe Princi Benedikt 15-vjeç.
Princi Kostandin lindi në St.Gallen në mars 1972 dhe u diplomua nga Liceu në Lihtenshtajn përpara se të studionte drejtësi në Salzburg. Ai kishte qenë menaxher i përgjithshëm dhe kryetar i bordit të Fondacionit Princi Lihtenshtajn për 11 vjet. Sipas People, Grupi i Lihtenshtajnit shpjegoi se kompanitë janë në pronësi të “Fondacionit Princi Lihtenshtajn” dhe organizata lëshoi një deklaratë pas vdekjes së Konstandinit.
Vdekja e tij vjen si një tronditje e tmerrshme për të gjithë ata që e njohën dhe Grupi i Lihtenshtajnit është thellësisht i pikëlluar. Mendimet dhe lutjet tona janë me të venë e tij, Princeshën Marie dhe fëmijët e tyre Moritz, Georgina dhe Benedikt.
Qeveria e Lihtenshtajnit ka lëshuar një deklaratë duke thënë se është thellësisht e pikëlluar për vdekjen e Princit Konstantin.
Në konsultim me pallatin, qeveria ka urdhëruar 2 ditë zie kombëtare. Flamujt do të qëndrojnë në gjysmështizë ose nëse flamujt nuk mund të valëviten të dekorohen me një fjongo zie.
