Sipas studimeve të fundit, gratë që martohen pas moshës 25 vjeçe raportojnë më shumë kënaqësi në marrëdhënie dhe stabilitet emocional në familje. Ekspertët shpjegojnë se hyrja në martesë më vonë zakonisht nënkupton më shumë pjekuri, sigurim financiar dhe një kuptim më të qartë të asaj që dëshirojnë nga një marrëdhënie afatgjatë. Të dhënat tregojnë gjithashtu se çiftet që martohen më vonë komunikojnë më mirë dhe kanë pritshmëri më të qarta, gjë që redukton konfliktet. Kjo qartësi ndihmon në ndërtimin e bazave më të shëndetshme për lumturinë afatgjatë, dhe si rezultat, gratë që martohen pas 25 vjeç përjetojnë disa nga normat më të ulëta të divorcit, sipas disa sondazheve.
Ndërkaq, familjet shqiptare po kalojnë një periudhë të fortë tranzitore nga fenomenet e migracionit, varfërisë, kostove të larta të jetesës që po ndikojnë në uljen e martesave dhe nga ana tjetër divorcet kanë tendencë rritëse. Të dhënat zyrtare të INSTAT-it tregojnë se vitin e kaluar kishte 16,120 martesa, me rënie -7.7% në krahasim me 2023-shin, ndërsa divorcet ishin 4,100 ose 65 më pak se më 2023-shin.
Rikujtojmë, se një sondazh i ri për marrëdhëniet ka zbuluar se mbi 50% e grave pranojnë se do të konsideronin t’i jepnin fund marrëdhënies nëse partneri i tyre do të humbiste punën ose nuk do të ishte më në gjendje të siguronte stabilitet financiar. Studiuesit zbuluan se siguria financiare renditej më lart se përputhshmëria emocionale për shumë pjesëmarrëse. Rezultatet nxjerrin në pah një dinamikë në ndryshim në takimet moderne, ku presioni ekonomik dhe pritshmëritë e stilit të jetesës peshojnë rëndë mbi marrëdhëniet afatgjata.
