Kur bëhet fjalë për kafshët shtëpiake, të gjithë, ashtu si njerëzit, janë të ndryshëm. Ndërsa disa janë të hapur për shoqëri dhe përkëdhelje, të tjerëve u pëlqen të qëndrojnë vetëm dhe luhatjet e humorit i atribuohen kryesisht maceve që shumë i konsiderojnë si kafshë që pëlqejnë këtë gjë. Për shkak të kësaj, shumë i konsiderojnë si kafshë shtëpiake egoiste, por hulumtimi i fundit i publikuar në revistën ‘Scientific Reports’ tregoi se ato vërtet kujdesen për mjedisin e tyre dhe njerëzit përreth.
Ndërkaq, macet siç e dini kanë një nuhatje çuditërisht të fortë. Për më tepër, ajo është dukshëm më e fortë se njeriu. Macet kanë midis 45 dhe 200 milionë qeliza të ndjeshme ndaj aromës në hundë, kurse njerëzit vetëm 5 milionë. Macet, kur eksplorojnë mjedisin, mbështeten më shumë në shqisën e tyre të nuhatjes sesa në shikimin ose ndjesinë. Kjo është arsyeja pse është mirë të dini se çfarë aromash nuk mund të durojnë macet.
1.Disa erëza dhe barishte
Macet irritohen nga ruta, livanda, rozmarina, nenexhiku, geraniumet, eukalipti dhe trumza. Vaji i mentes dhe livandës konsiderohen helmues për macet.
2.Bananet
Ekspertët besojnë se macet irritohen nga aroma e bananeve për shkak të kaliumit që përmban.
3.Agrumet
Kur bëhet fjalë për agrumet që macet i urrejnë, në listë janë portokallet dhe limonët.
4.Piperi, mustarda dhe kanella
Në përgjithësi, macet nuk i pëlqejnë aromat e athëta.
5.Pisha, kedri dhe mentoli
Ndërsa disa preferojnë pastrues me këto aroma, kini parasysh se ato mund të irritojnë macen tuaj.
6.Kuti rëre e pistë
Nëse kutia me rërë e maces suaj nuk pastrohet, ajo ndoshta do të ndalojë përdorimin e saj dhe do të gjejë një vend tjetër për të qëndruar.
7.Peshku i kalbur
Ashtu si njerëzit, macet nuk e tolerojnë erën e ushqimit të prishur, veçanërisht të peshkut të prishur.
8.Sapunët dhe deodorantët
Macet nuk e pëlqejnë erën e sapunit dhe deodorantit. Për më tepër, ato shqetësohen shumë nga këto aroma.
9.Vajra esenciale
Për shkak të përqendrimit të lartë të përbërësve, aroma e vajrave esenciale te macet është zakonisht shumë e fortë dhe mund të shkaktojë një reagim të rëndë.
