Këngëtarja e njohur Bebe Rexha është goditur me një telefon në fytyrë teksa ishte në një koncert në New York të dielën. Artistja 33-vjeçare po këndonte në një koncert në The Rooftop në Pier 17 në kuadër të turneut të saj “Best F’n Night Of My Life”.
![](https://www.topalbaniaradio.com/v7/wp-content/uploads/2023/06/72282641-12209349-image-a-47_1687151801462.jpg)
Siç shihet në një video në Twitter, krijuesja e hitit “Back to You” u pa duke interpretuar dhe duke u drejtuar drejt pjesës së përparme të skenës me një veshje ngjyrë vjollce. Teksa Bebe ishte përballë audiencës, një person nga turma u pa duke duke hedhur një telefon që e goditi atë drejtpërdrejt në fytyrë.
Absolutely great show ruined by a fan throwing their phone at @BebeRexha hopefully she is ok after that pic.twitter.com/4eBScgurv5
— Alex Chavez (@captiv_8_) June 19, 2023
Pas një momenti tronditjeje, këngëtarja e nominuar për Grammy ra në gjunjë me kokën ulur, gjersa anëtarë të shumtë të ekipit nxituan për ta ndihmuar. Videoja u shpërnda nga një numër i të pranishmëve të koncertit në New York të dielën, teksa njëri nga ta postoi një video të yllit, duke u ndihmuar të dilte nga skena pas incidentit të rëndë.
Mjekët më pas po kujdeseshin duke i dhënë kështu trajtimin e duhur pas këtij incidenti. Reagimet qenë të shumta nga fansat e këngëtares, teksa shumë prej tyre ishin të ashpër për atë se si mund të bëjnë një gjë të tillë.
![](https://www.topalbaniaradio.com/v7/wp-content/uploads/2023/06/Screenshot_4-61.png)
Këngëtarja shqiptare me famë botërore, Bebe Rexha, ka përgatitur një këngë në gjuhën shqipe që mund ta sjellë për fansat e saj të shumtë shqiptarë shumë shpejt. Autorja e shumë hiteve ndërkombëtare e ka publikuar një video në InstaStory teksa e ka vënë në sfond këngën në kompjuter. Kënga titullohet “Të dua”, ndërsa njëri varg thotë: “Nga New Yorku në Kosovë”. Me ritme shqiptare në formë të një remiksi, Bebe duket e lumtur teksa këndon së bashku me këngën në sfond.