Epo se do të vinte kjo ditë nuk e prisnim! Vetëm disa minuta më parë Bora na surprizoi duke na zbuluar se do të lançojë ditën e sotme në orën 20:00 këngën e saj të parë ‘Nuk jam si ti’. Fillimisht e konsideruam si shaka 1 Prilli, por mesa duket nuk qenka aspak kështu.
Vetëm pak minuta më vonë me të njëjtin model, Beatrix Ramosaj na zbuloi se do të lançojë këngën e saj dhe titulli është një kundërpërgjigje ndaj Borës. ‘As unë si ti’ nga Trixa do të lançohet në orën 20:00 po ashtu sonte.
Nuk dimë se si ka mundësi që vajzat të kenë rënë në këtë rastësi apo diçka është diskutuar mes tyre, megjithatë jemi me padurim në pritje të orës 20:00.
Dy vajzat u përfolën shumë në media së fundmi, për historinë e dashurisë me aktorin e njohur Donald Veshaj. Fillimisht ka qenë Bora ajo që ka pasur një lidhje me të, por prej kohësh dyshja ishin ndarë deri në momentin kur aktori hyri në shtëpinë e ‘BBV’ dhe puthja e tyre aq romantike e ribashkimit theu çdo rekord audience.
Më pas, Donaldi nisi të krijojë një pëlqim për Trixa-n e cila hyri në shtëpinë e ‘BBV’ pas puthjes së aktorit me Borën dhe dyshja krijuan bashkë një lidhje që u kritikua jo pak.
E pas përfundimit të ‘BBV’, Donaldi me anë të disa shenjave na tregoi se nuk ishte më me Trixa-n dhe se në këngën e tij më të fundit ka një dedikim për Borën ku në videoklip ishte vendosur numri 5 si detaj i datës së lidhjes së tij me prezantuesen.
Epo, komentet po jua lëmë ju në dorë!
