Mark Wahlberg nuk është aq i tërhequr pas manisë më të fundit të humbjes së peshës në Hollywood. Duke folur për Page Six për një artikull të botuar të mërkurën, aktori i njohur ndau mendimet e tij për të famshmit dhe të tjerët që merrnin ilaçin e diabetit Ozempic për të rënë në peshë. Wahlberg, rutina rigoroze e fitnesit të të cilit mund të jetë një nga më të frikshmet në biznes, tha për median se ai preferon “mënyrën e mirë të modës së vjetër” për të qëndruar në formë.
Secili bën zgjedhjen e tij, por unë i inkurajoj njerëzit të hanë siç duhet dhe të ushtrohen. Është shumë më tepër se një ndryshim i stilit të jetesës. Do të habiteshit se çfarë mund të arrini kur të jeni të gatshëm të përfshiheni plotësisht.
Ylli i “Uncharted” ka theksuar më parë se fiziku i tij është “i natyrshëm”, por ai i tha Page Six se “të gjithë kanë mënyrën e tyre”.
Unë nuk detyroj askënd për të bërë zgjedhjet e veta. Por unë preferoj dhe kam parë shumë njerëz që kryejnë gjëra të mahnitshme, njerëz të zakonshëm që bëjnë gjëra të jashtëzakonshme në një bazë fitnesi.
Obsesioni i Hollywood-it me pamjen e jashtme shpesh i ka bërë të famshmit të miratojnë zgjidhje të dyshimta për humbjen e peshës. Vitin e kaluar, modelja Lori Harvey u përball me reagime të kundërta në mediat sociale për promovimin e asaj që disa besonin se ishte një dietë e rrezikshme, ndërsa aktorja Melanie Lynskey tha se dikur kishte provuar të “vdiste nga uria” për një rol.
Ozempic, një emër i markës për ilaçin semaglutide, kohët e fundit ka fituar popullaritet për aftësinë e tij për të ulur oreksin, megjithëse disa njerëz me çrregullime të të ngrënit thonë se interesi në rritje për ilaçin ka qenë një makth për ta. Wahlberg, i cili zgjohet në orën 2:30 të mëngjesit për t’u ushtruar disa herë në ditë, nuk është i panjohur për të transformuar trupin e tij. Ai ra mbi 9 kilogramë dhe më pas fitoi gati 22 kilogramë për dy filma të publikuar në 2013. Së fundmi ai shtoi 9 kilogramë për filmin “Father Stu” të vitit 2022.
