Sulmuesi portugez, Cristiano Ronaldo është lidhur së fundmi me një lëvizje ‘surprizuese’ në një klub që nga sezoni tjetër do të luajë në Champions League.
Pavarësisht largimit të tij në Arabinë Saudite, portugezi ka qenë tepër produktiv duke shënuar së fundmi edhe një hattrick që e çon atë në shfirën e 47 golave në 46 ndehsje që ka zhvilluar në të gjitha garat.
Sipas raportimeve, forma e 39 vjeçarit para portës, ka tërhequr vëmendjen e Bayern Leverkusen që konsiderohet së fundmi si skuadra më në formë në Evropë.
Kampionët e Bundesligës, të cilët ende nuk kanë pësuar asnjë humbje këtë sezon, dyshohet se duan të nënshkruajnë me fituesin pesë herë të Topit të Artë.
Mësohet se Ronaldo është rekomanduar nga menaxheri i Leverkusenit, Xabi Alonso, i cili luajti krah sulmuesit kur dyshja ishin në Real Madrid.
Nëse Ronaldo do të ishte i hapur për një rikthim në Evropë është e pasigurt, me lojtarin që ka folur për standardet e Superligës Saudite që nga transferimi i tij atje.
Më herët Cristiano Ronaldo fitoi edhe arbitrazhin prej 19.5 milionë eurosh kundër Juventusit për borxhet e papaguara për të ashtuquajturën “manovër e dytë të pagës” për sezonin 2020/2021, kohë e pandemisë.
Ky vendim është marrë nga Bordi i Arbitrazhit i përfaqësuar nga Gianroberto Villa, Roberto Sacchi dhe Leandro Cantamessa; i thirrur për të zgjidhur mosmarrëveshjen mes klubit të Juventusit dhe ish-sulmuesit bardhezi.
Duke pasur parasysh rrethanat dhe kohën e pandemisë, Juve do të duhet të paguajë CR7 vetëm gjysmën e asaj që kërkoi sulmuesi, rreth dhjetë milionë euro plus interesat.
