Ish presidenti amerikan, Donald Trump ka zbuluar se do të hedhë në gjyq drejtuesit ekzekutiv të rrjeteve gjigande sociale si Facebook, Twitter dhe Google. Trump pretendon se kompanitë e mediave sociale shkelën Amendamentin e Parë duke e pezulluar atë dhe përdoruesit e tjerë nga rrjetet e tyre.
Para gjashtë muajsh ish presidenti u pezullua fillimisht përkohësisht edhe më pas përgjithmonë nga të trija platformat. Twitter-i i pezulloi përgjithmonë llogarinë, Trump-it. Kompania duke iu referuar trazirave të 6 janarit ku mbështetës të tij sulmuan Kongresin tha se:
Pas rishikimit të postimeve të fundit nga Trump e kontekstit rreth këtyre postimeve, morëm vendimin për shkak të rrezikut për nxitje të mëtejshme të dhunës.
Nga 7 janari, edhe Facebook e Instagram i bllokuan llogaritë Donald-it për të paktën dy javë. Kompania tha se postimet e ish-Presidentit shkelën politikat e Twitter-it kundër “lartësimit të politikave të dhunshme” dhe se dy nga postimet e ish-Presidentit kishin “shumë të ngjarë të nxisnin njerëzit të përsërisnin aktet që u panë në Kapitol. Kujtojmë që më herët Twitter pezulloi për 12 orë llogarinë e Trump.
Rikujtojmë, se edhe “YouTube” vendosi të pezullojë për një javë kanalin e Donald Trump-it për postimin e një videoje që nxiti dhunë. Pasi llogaria e tij vijon të jetë e pezulluar në Instagram, Facebook apo Twitter, ish Presidenti i Shteteve të Bashkuara të Amerikës ka hapur një blog personal për të komunikuar me njerëzit. Blogu titullohet “Nga Tavolina e Donald J. Trump”.
