Megi Pojani njihet si një ndër personazhet më pa komplekse dhe asnjëherë nuk ngurron të shfaqet ashtu siç dëshiron. Herë tepër provokuese e herë shumë ‘funny’, bukuroshja gjithmonë arrin të jetë në qendër të vëmendjes.
Mirëpo, sado aktive në rrjete sociale, Megi është siguruar që ta ruajë jetën e saj private gjithmonë dhe ta mbajë larg syve të publikut. Para pak kohësh u përfol për një foto që dukej se ‘nxorri zbuluar’ bukuroshen dhe mund të na ketë zbuluar diçka. Teksa kishte bërë një pauzë të shkurtër nga llogaria e saj në Instagram, para pak javësh ajo ndau disa foto me ne duke darkuar në një restorant. Deri këtu nuk ka asgjë, por një postim në Instagramin e futbollistit të kombëtares, Endri Çekiçi ku shfaqej në po të njëjtin vend ngriti mjaft dyshimet se mund të ketë një lidhje dashurie mes tyre. Më pas, dyshja u shfaqën duke pushuar në të njëjtin vend dhe kjo duket se deri diku i vërtetoi spekulimet.
E ditën e djeshme u duk sikur u vërtetua çdo dyshim që ishte krijuar prej kohësh. Mbrëmë në ndeshjen mes Galatasaray dhe Koniaspor, futbollisti shënoi një supergol. E si e do zakoni goli duhet festuar nga ana e atij që e shënon dhe në mënyrën më romantike të mundshme, Endri shkoi drejt tribunës duke vrapuar dhe duke i dhuruar një puthje pikërisht asaj që mendoni. Këtë e kanë filmuar vetë kamerat nga ku po transmetohej ‘live’ ndeshja. Bukuroshja në tribunë ndodhej së bashku me motrën e saj, Marsi.
Pak kohë më parë u njoftua rikthimi i një projekti shumë të madh në Shqipëri, i cili është spektakli “Dancing with the Stars”. E teksa pritjes duket se po i vjen fundi, ndërsa spektakli nis pikërisht në muajin tetor, pak nga pak po zbulojmë edhe artistët dhe personazhet vip që do t’i bashkohen “Dancing with the Stars”.
Megi Pojanin, showgirl-i shumë e dashur që gjithmonë ‘rrëmben’ vëmendjen me postimet e saj të guximshme do të jetë pjesë e spektaklit më të ri që nis në Top Channel. Ishte faqja zyrtare e DWTS në Instagram që postoi klipin e Megit vetëm pak ditë më parë. Bukuroshen e kemi parë disa herë në kërcime të ndryshme në videot e saj në Instagram apo TikTok dhe duket se Megi është gati të na tregojë talentin e saj tashmë në “Dancing with the Stars”, dhe ne i urojmë shumë suksese në këtë rrugëtim të ri.