Ikona e muzikës Rihanna është në pritje të ëmbël. Pavarësisht daljeve të saj të shpeshta ku shfaqte edhe barkun e saj të rrumbullakosur ajo asnjëherë nuk ka dhënë detaje në lidhje me gjininë e bebit apo edhe në lidhje me gjithë rrugëtimin e saj si një nënë e re që pritet edhe të lindë shumë shpejt.
Por së fundmi Rihanna ka zbuluar shumë detaje nga jeta e saj në kopertinën e Vogue për muajin Prill. Bukuroshja ka zbuluar se shtatzënia e saj me të dashurin A$AP Rocky ishte e paplanifikuar. Ajo që mori edhe një vëmendje të shtuar ishte edhe paraqitja e saj shumë e veçantë me disa veshje shumë të bukura. Këngëtarja, 34 vjeçe, në imazhet të tjera tregoi barkun e rrumbullakosur të zhveshur në një pallto të zezë për xhirimin mahnitës.
Në një intervistë me revistën, Rihanna detajoi se si është ‘frikësuar’ duke dëgjuar histori nga gra të tjera që kanë luftuar me depresionin pas lindjes dhe ka frikë se mos dndoshta kjo gjë do të mund të ndodhë dhe me të kur lind fëmijën e parë.
Depresioni pas lindjes. A do të ndihem jashtë kontrollit emocionalisht? Këto janë historitë që dëgjoj nga gra të tjera që më trembin.
Më pas ajo ka treguar se gjithçka nuk ishte e planifikuar.
Nuk do të thoja se u planifikua. Por sigurisht nuk kishim planifikuar kundër saj. Nuk e di kur kisha ovulacion apo ndonjë nga ato gjëra. Dhe më pas ishte aty në test. Nuk humba kohë. E thirra brenda dhe ia tregova lajmin. Më pas, të nesërmen në mëngjes isha te mjeku dhe kështu nisi udhëtimi ynë.
Duke diskutuar planet e saj për ditën që do të lindë, Rihanna pranoi se kufizimet e COVID-19 mund të pengojnë planet për të pasur të gjithë miqtë dhe familjen e saj të pranishëm, por bëri shaka se ajo thjesht mund të ‘angazhojë një autobus feste’ për të parkuar jashtë. Pavarësisht këtyre shqetësimeve, Rihanna shtoi se ajo është e vendosur të vazhdojë të menaxhojë perandorinë e saj miliarda dollarëshe edhe pse do të merret me kujdesin për fëmijën e saj të parë.
Biznesi është një nga sfidat e mia më të mëdha dhe ka qenë gjithmonë. Tani është një tjetër qenie njerëzore që hyn në lojë e ndryshon këtë. Megjithatë, unë kam biznese që nuk do të drejtohen vetë. Nëna ime është kujdesur për tre fëmijë kështu që mund ta bëj absolutisht. Si duket? Nuk jam e sigurt.
Rihanna mbrojti gjithashtu ripërcaktimin e saj të veshjeve gjatë shtatzënisë dhe përqafimin e trupit të saj në ndryshim, pasi kishte shfaqur me krenari barkun e saj në një sërë veshje ekspozuese.
Unë shpresoj se ne kemi qenë në gjendje të ripërcaktojmë atë që konsiderohet “e mirë” për gratë shtatzëna. Trupi im po bën gjëra të pabesueshme për momentin dhe nuk do të kem turp për këtë. Kjo kohë duhet të jetë festive. Sepse pse duhet ta fshehni shtatzëninë tuaj? Kur mora vesh se isha shtatzënë, mendova me vete më vjen keq është shumë argëtuese të vishesh. Nuk do ta lë atë pjesë të zhduket sepse trupi im po ndryshon.
Ndërsa Rihanna dhe A$AP Rocky filluan të takoheshin në vitin 2020, dyshja ishin miq që nga viti 2013 dhe ylli rrëfeu se asaj iu desh shumë kohë për ta parë atë në një dritë romantike.
