Ish-oligarku rus dhe kritiku i presidentit të Rusisë Vladimir Putin, dikur njeriu më i pasur në Rusi, Mikhail Khodorkovsky, ka publikuar një fotografi në rrjetet sociale që tërhoqi vëmendjen e publikut. Imazhet tregojnë priftërinjtë rusë duke bekuar raketën balistike ndërkontinentale të quajtur Satana. Krahas këtyre imazheve të publikuara në llogarinë e tij në Twitter, Khodorkovsky shkroi:
Unë nuk mendoj se do të shihni ndonjëherë ndonjë gjë më të çuditshme. Udhëheqësit e Kishës Ortodokse Ruse po bekojnë një raketë të quajtur Satana.
Kujtojmë se Khodorkovsky së fundmi kritikoi Putinin duke pohuar se lideri rus kupton vetëm gjuhën e forcës. Ai humbi pjesën më të madhe të pasurisë disa vite më parë për shkak se doli kundër Putinit. Mikhail gjithashtu kaloi një dekadë pas hekurave.
I don't think you'll ever see a bigger weirdness:
Russian Orthodox Church☦️ leaders blessing a rocket called Satan. pic.twitter.com/KcyP49qQ2Z— Mikhail Khodorkovsky (English) (@mbk_center) May 13, 2022
Rusia ka shkaktuar dëme, por pa arritur të shënojë përparim të madh territorial në lindje të Ukrainës. Trupat ruse e ukrainase janë duke luftuar fshat për fshat në Donbas, rajon lindor i vendit. Pikërisht këtu, ukrainasit përballen me separatistët e mbështetur nga Moska, prej 2014-ës. Në fundjavë, forcat ruse sulmuan një fabrikë të lëndëve kimike në Siverodonetsk të Donbasit.
Guvernatori i Lvivit njoftoi se “raketat ruse shkatërruan infrastrukturën ushtarake” në rajonin Javoriv, pranë kufirit me Poloninë. Perëndimi dërgon armë në Ukrainë përmes qytetit të Lvivit. Ushtria ukrainase bëri të ditur se i ndali hovin ofensivës ruse në Donbas.
Forcat ukrainase sulmuan pozicionet ruse dhe shkatërruan dy ura të kontrolluara prej tyre.