Bentley më i shtrenjtë deri më sot është Batur kabriolet dhe bëhet fjalë gjithashtu për një nga makinat më të fuqishme me motor SUS që vjen nga Britania e Madhe. Është gjenerata e tretë Batur dhe është porositur nga Mulliner, divizioni i ndërtimit të trupit të markës Bentley.
Do të prodhohen vetëm 16 të tilla, secila prej tyre do të jetë e personalizuar dhe do të kushtojë më shumë se 2.3 milionë euro. Kjo makinë me dy sedilje është një prej mjeteve të fundit me motor 6 litërsh W12 me turbo-mbushje, pasi nga vera Bentley nuk do ta prodhojë më. Sa i përket performancës, motori prodhon 720 kuaj-fuqi kurse shpejtësinë nga 0 në 100 kilometra në orë e arrin për 3.4 sekonda dhe ajo maksimale është 336 km/h. Bentley tha se se do të ofrojë një numër të pakufizuar të ngjyrave.
Disa prodhues makinash luksoze patën një vit të mirë kur bëhej fjalë për shitjet, por Bentley mesa duket jo. Kjo markë britanike raportohet të ketë pësuar një rënie të shitjeve prej 11% nga viti në vit në 2023. Në terma realë, kjo do të thotë se Bentley shiti 13,560 automjete vitin e kaluar, nga 15,174 njësi në vitin 2022. Përsëri, tregu amerikan ishte kryesori (3,848 njësi të shitura).
Gjërat nuk kanë qenë edhe aq të këqija për Bentleyn, me 2023 që është viti i tretë më i mirë për sa i përket shitjeve të automjeteve. Ashtu si 2022, Bentayga ishte modeli i tyre më i shitur vitin e kaluar, me një pjesë prej 44%. “Tregu i automjeteve luksoze nuk ishte imun ndaj kushteve sfiduese në mbarë botën në gjysmën e dytë të 2023. Pavarësisht kësaj, ne arritëm të arrijmë vitin tonë të tretë më të mirë në histori dhe të hyjmë në vitin 2024 me shumë porosi”,-tha shefi i markës Adrian Hallmark.
