Presidenti amerikan, Donald Trump, vlerësoi Kupën e Botës si eventin më madhështor të mbajtur nga FIFA. Ai zbuloi se kishte qene tifoz i Argjentinës, ndërsa pranoi se Spanja luajti me mirë.
Në një deklaratë pas ndeshjes ai tha se kishte zhvilluar një bisedë me Pedro Sanchez dhe e kishte uruar për fitoren ndaj Argjentinës duke mohuar se kishte ndonjë tension mes tyre.
“FIFA ishte e jashtëzakonshme. Nuk ka pasur kurrë diçka të tillë, ndoshta në aspektin e një eventi, e lëre më në futboll. Ishte i jashtëzakonshëm. Ishte katër herë më i madh se çdo event i mbajtur ndonjëherë nga FIFA, dhe ndoshta është rreth pesë herë më i madh në fakt, po më thonë sot. Pra, jemi shumë krenarë për vendin tonë.
LEXO EDHE: Vërshëllima për Trump-in e Infantino-n në mbyllje të Botërorit, Spanja nuk i do në foto!
Jemi shumë krenarë për punën që u bë nga të gjithë. I përgëzojmë Gianni Infantinon dhe të gjithë stafin e tij dhe punën e jashtëzakonshme që bënë. Por ky ishte një nga evenimentet më të mëdha të çdo lloji të mbajtur ndonjëherë. Jo, nuk u trishtova që humbi Argjentina. Mendoj se të dyja ekipet luajtën mirë. Do të thoja se Spanja luajti më mirë, me të vërtetë. Por, të dyja luajtën mirë dhe arritën në finale dhe, në fakt, ishte shumë emocionuese. Duket sikur Spanja dominoi, por ishte një garë shumë e ngushtë. Fola me kryeministri spanjoll dhe e përgëzova që kishin një ekip të shkëlqyer”, u shpreh Trump.
Spanja u shpall kampione e botës pasi triumfoi 1-0 në finalen e madhe ndaj Argjentinës, për të siguruar trofeun e dytë të Botërorit.
